2015 jylǵy 26 tamyz, Astana qalasy
Qazaqstan Respýblıkasy Qarjy mınıstrligi Qarjylyq baqylaý komıteti týraly erejeni bekitý týraly
«Qazaqstan Respýblıkasy Qarjy mınıstrliginiń keıbir máseleleri týraly» Qazaqstan Respýblıkasy Úkimetiniń 2008 jylǵy 24 sáýirdegi № 387 qaýlysyna sáıkes buıyramyn:
1. Qosa berilip otyrǵan Qazaqstan Respýblıkasy Qarjy mınıstrliginiń Qarjylyq baqylaý komıteti týraly ereje bekitilsin.
2. Qazaqstan Respýblıkasy Qarjy mınıstrliginiń Qarjylyq baqylaý komıteti (A.S. Jumadildaev) zańnamada belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Qarjy mınıstrliginiń ınternet-resýrsynda ornalasýyn qamtamasyz etsin.
3. Osy buıryq onyń alǵash ret resmı jarııalanǵannan kúninen bastap qoldanysqa engiziledi.
Mınıstr B.SULTANOV
Qazaqstan Respýblıkasy Qarjy mınıstriniń 2015 jylǵy 26 tamyzdaǵy
№454 buıryǵymen bekitilgen
Qazaqstan Respýblıkasy Qarjy mınıstrligi Qarjylyq baqylaý komıteti
týraly ereje
1. Jalpy erejeler
1. Qazaqstan Respýblıkasy Qarjy mınıstrligi Qarjylyq baqylaý komıteti (budan ári -Komıtet) ortalyq atqarýshy organnyń quzyreti sheginde ishki qarjylyq baqylaý jáne memlekettik satyp alý, aýdıtorlyq qyzmet, býhgalterik esep pen qarjylyq eseptilik salasynda iske asyrý jáne baqylaý fýnksııalaryn júzege asyratyn Qazaqstan Respýblıkasy Qarjy mınıstrliginiń vedomstvosy bolyp tabylady.
2. Komıtet Qazaqstan Respýblıkasynyń Konstıtýsııasy jáne basqa da zańdaryna, Qazaqstan Respýblıkasynyń Prezıdenti men Úkimetiniń aktilerine, ózge de normatıvtik quqyqtyq aktilerge, sondaı-aq osy Erejege sáıkes óz qyzmetin júzege asyrady.
3. Komıtet respýblıkalyq memlekettik mekeme uıymdastyrý-quqyqtyq nysanyndaǵy zańdy tulǵa bolyp tabylady, óz ataýy qazaq tilinde jazylǵan mórleri men mórtańbalary, belgilengen úlgidegi blankileri, sondaı-aq zańnamaǵa sáıkes Qazaqstan Respýblıkasy Qarjy mınıstrliginiń qazynashylyq organdarynda esep-shottary bar.
4. Komıtettiń Qazaqstan Respýblıkasynyń Úkimeti quratyn jáne taratatyn memlekettik mekeme nysanyndaǵy zańdy túlǵalar bolyp tabylatyn aýmaqtyq bólimsheleri bar, olarǵa Komıtettiń baqylaýynda bolatyn jáne esep beretin Oblystar jáne Astana men Almaty qalalary boıynsha qarjylyq baqylaý ınspeksııalary jatady.
5. Komıtet azamattyq-quqyqtyq qatynastarǵa óz atynan túsedi.
6. Komıtet memlekettiń atynan azamattyq-quqyqtyq qatynastardyń tarapy bolýǵa quqyǵy bar, eger zańnamaǵa sáıkes oǵan ýákilettik berilgen bolsa.
7. Komıtet zańnamada belgilengen tártipte óz quzyretiniń máseleleri boıynsha Komıtet tóraǵasynyń nemese onyń mindetin atqarýshynyń buıryqtarymen resimdeletin quqyqtyq aktilerdi shyǵarady.
8. Komıtettiń qurylymy jáne shtat sany Qazaqstan Respýblıkasy Qarjy mınıstriniń kelisýinen keıin Qazaqstan Respýblıkasy Qarjy mınıstrliginiń Jaýapty hatshysymen bekitiledi.
9. Komıtettiń zańdy meken-jaıy: 010000, Astana qalasy, Jeńis dańǵyly, 11.
10. Komıtettiń tolyq ataýy – «Qazaqstan Respýblıkasy Qarjy mınıstrliginiń Qarjylyq baqylaý komıteti» respýblıkalyq memlekettik mekeme.
11. Osy Ereje Komıtettiń quryltaı qujaty bolyp tabylady.
12. Komıtettiń qyzmetin qarjylandyrý tek respýblıkalyq bıýdjetten júzege asyrylady.
13. Komıtetke kásipkerlik sýbektilermen Komıtettiń fýnksııasy bolyp tabylatyn mindetterdi oryndaý mánine kelisim-shart qatynastaryna túsýge tyıym salynady.
14. Eger zańnamalyq aktilermen Komıtetke kiris ákeletin qyzmetti júzege asyrý quqyǵy berilse, onda osyndaı qyzmetten alynǵan kirister respýblıkalyq bıýdjettiń kirisine jiberiledi.
2. Komıtettiń negizgi fýnksııalary, quqyqtary men mindetteri
15. Mindetter:
1) baqylaý obektileriniń Qazaqstan Respýblıkasynyń bıýdjettik jáne ózge de zańnama buzýshylyqtaryn anyqtaý, joıý jáne olarǵa jol bermeý;
2) uıymdar men memlekettik mekemelerdiń býhgalterlik esep jáne qarjylyq eseptilik salasyndaǵy, aýdıtorlyq qyzmet salasynda qyzmetin retteý jáne aýdıtorlyq jáne kásibı uıymdardyń qyzmetin baqylaýdy júzege asyrý.
16. Fýnksııalar:
1) respýblıkalyq jáne jergilikti bıýdjetterdi paıdalanýdyń Qazaqstan Respýblıkasynyń zańnamasyna sáıkestigine baqylaýdy júzege asyrý;
2) baqylaý obektileriniń esepke alý men eseptilikti júrgizý shynaıylyǵy men durystyǵyna baqylaýdy júzege asyrý;
3) óz qyzmetiniń baǵyttary boıynsha tıimdiligin baqylaýdy júzege asyrý;
4) obektilerdi konsessııaǵa berý sharttary men rásimderiniń saqtalýyna, bıýdjettik kredıtterdi berýdi, memlekettik konsessııalyq mindetterdiń, memlekettik kepildikteri men memleket kepilgerlikterin oryndaý qarjylandyrylýyn baqylaýdy, sondaı-aq olardyń Qazaqstan Respýblıkasynyń zańnamasyna sáıkestigine baqylaýdy júzege asyrý;
5) óz quzyreti sheginde respýblıkalyq jáne jergilikti bıýdjetterge salyqtyq emes túsimderdi engizýdiń tolyqtyǵy men ýaqtylyǵyna qatysty máseleler boıynsha baqylaý obektileriniń qyzmetine baqylaýdy júzege asyrý;
6) memlekettik mekemelerdiń olardyń ıeliginde qalǵan taýarlardy (jumystardy, qyzmetterdi) satýdan túsetin aqshanyń qalyptastyrylýyna jáne paıdalanylýyna baqylaýdy júzege asyrý;
7) Qazaqstan Respýblıkasynyń zańnamasynda belgilengen tártipte kvazımemlekettik sektory sýbektileriniń bıýdjet qarajatyn qarjylyq –ekonomıkalyq negizdemege sáıkes paıdalanýyn baqylaýdy júzege asyrý;
8) Qazaqstan Respýblıkasynyń zańnamasyna sáıkes respýblıkalyq jáne jergilikti bıýdjetterdi paıdalaný kezinde buzýshylyqtardy anyqtaý, onyń jolyn kesý jáne oǵan jol bermeý boıynsha sharalar qabyldaý;
9) baqylaý obektilerine jiberiletin usynymdardyń jáne baqylaý nátıjeleriniń qorytyndylary boıynsha qabyldanǵan sheshimderdiń oryndalýyna baqylaýdy júzege asyrý;
10) baqylaý obektilerinen olarǵa belgilegen merzimde baqylaý júrgizýge baılanysty máseleler boıynsha qajetti qujattardy, anyqtamalardy, aýyzsha jáne jazbasha túsiniktemelerdi suratý jáne alý;
11) baqylaýdy júrgizýge memlekettik organdardyń tıisti mamandaryn jáne qajet bolǵan jaǵdaıda respýblıkalyq bıýdjetten osy maqsattarǵa bólingen qarajat sheginde qyzmetterine aqy tóleı otyryp, aýdıtorlyq uıymdar men sarapshylardy tartý;
12) ishki baqylaý qyzmetteriniń memlekettik qarjylyq baqylaý standarttaryn saqtaýyna baqylaýdy júzege asyrý;
13) ishki baqylaý qyzmetteri qyzmetkerleri úshin úlgi biliktilik talaptaryn ázirleýge qatysý;
14) ishki baqylaý qyzmetterine ádistemelik kómek kórsetýdi júzege asyrýǵa, olardyń qyzmetin úılestirýge, ishki baqylaý qyzmetteriniń qyzmetkerlerin daıarlaý jáne olardyń biliktiligin arttyrýdy uıymdastyrýǵa qatysý;
15) Qazaqstan Respýblıkasynyń Úkimetine baqylaý is-sharalarynyń nátıjeleri týraly, sonyń ishinde ortalyq jáne jergilikti memlekettik organdarynyń ishki baqylaý qyzmetteri júrgizgen esepterdi usyný;
16) baqylaý nátıjeleri boıynsha anyqtalǵan buzýshylyqtar somalaryn bıýdjetke óteýin qamtamasyz etý maqsatynda, sondaı-aq Qazaqstan Respýblıkasynyń memlekettik satyp alý týraly zańnamasyn buzýshylyqpen jasalǵan memlekettik satyp alý týraly kúshine engen sharttaryn jaramsyz dep taný týraly sotqa talap-aryzdar jiberý;
17) Respýblıkalyq bıýdjettiń atqarylýyn baqylaý jónindegi esep komıtetimen birlesip memlekettik qarjylyq baqylaý standarttaryn ázirleý;
18) memlekettik qarjylyq baqylaý obektilerinde anyqtalatyn Buzýshylyqtar synyptaýyshyn ázirleýge qatysý;
19) kelisilgen merzimderde jazbasha suraý salýdyń negizinde josparlar jáne ótkizilgen baqylaý is-sharalarynyń týraly ishki baqylaý organdarymen aqparat almasýdy júzege asyrý;
20) baqylaý is-sharalaryn júrgizý nátıjesinde baqylaý obektisi qylmys qurymynyń belgileri bar bolǵan is-áreket (áreketsizdik) jasaý faktisi anyqtalǵan kezde atalǵan is-áreketti (áreketsizdikti) jasaǵany týraly aqparatty jáne osy faktini rastaıtyn qujattardy quqyq qorǵaý organdaryna berý;
21) Qazaqstan Respýblıkasynyń memlekettik satyp alý týraly zańnamasynyń saqtalýyna baqylaýdy júzege asyrý;
22) Qazaqstan Respýblıkasynyń zańnamasynda kózdelgen tártipte jospardan tys tekserýlerdi júzege asyrý;
23) hattamalar jasaý, ákimshilik quqyq buzýshylyqtar týraly isterdi qaraý jáne Qazaqstan Respýblıkasynyń ákimshilik quqyq buzýshylyqtar týraly zańnamasynda kózdelgen tártipte memlekettik satyp alý, býhgalterlik esep jáne qarjylyq eseptilik, aýdıtorlyq qyzmet, bıýdjettik zańnama salasynda ákimshilik jazalar qoldaný;
24) býhgalterlerdiń kásibı uıymdaryn jáne býhgalterlerdi kásibı sertıfıkattaý uıymdarynyń akkredıtteýin júrgizý;
25) belgilengen tártipte normatıvtik quqyqtyq aktilerdi resmı jarııalaýǵa quqyǵy bar Qazaqstan Respýblıkasynyń barlyq aýmaǵynda taralatyn merzimdi baspa basylymdarynda býhgalterlerdiń kásibı uıymdarynyń jáne býhgalterlerdi kásibı sertıfıkattaý jónindegi uıymdarynyń memlekettik jáne orys tilderindegi tizbesin jarııalaý;
26) akkredıtteý erejelerin saqtamaý faktileri jaǵdaılarynda býhgalterlerdiń kásibı uıymdaryna jáne býhgalterlerdi kásibı sertıfıkattaý uıymdaryna eskertý jarııalaý;
27) akkredıttelgen býhgalterlerdiń kásibı uıymy jáne akkredıttelgen býhgalterlerdi kásibı sertıfıkattaý jónindegi uıymdy akkredıtteý týraly kýáliginen aıyrý týraly sheshimdi daıyndaý;
28) býhgalterlik esep jáne qarjylyq eseptilik salasynda jáne akkredıttelgen býhgalterlerdiń kásibı uıymdaryna jáne akkredıttelgen býhgalterlerdi kásibı sertıfıkattaý jónindegi uıymdardyń qyzmetine memlekettik baqylaýdy júzege asyrý;
29) akkredıtteýdi jáne akkredıttelgen kásibı aýdıtorlyq uıymdardyń tizilimin júrgizý;
30) aýdıtorlar tizbesin júrgizý;
31) Aýdıtorlarǵa kandıdattardy attestaý boıynsha biliktilik komıssııalar quramyna qatysý;
32) aýdıtorlyq qyzmettiń lısenzııalaýyn jáne aýdıtorlyq uıymdar tizilimin júrgizýdi júzege asyrý;
33) merzimdi baspa basylymdarynda memlekettik jáne orys tilderinde aýdıtorlyq qyzmetti júzege asyrýǵa lısenzııa berý, toqtata turý, alyp qoıý jáne toqtatý týraly málimetterdi jarııalaý;
34) aýdıt standarttarynyń taralýy úshin jaǵdaılardy qamtamasyz etý;
35) aýdıtorlyq qyzmet jáne kásibı aýdıtorlyq uıymdar qyzmeti salasynda memlekettik baqylaýdy júzege asyrý;
36) Qazaqstan Respýblıkasynyń zańdaryna, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerine sáıkes ózge de ókilettikterdi júzege asyrý.
17. Quqyqtar:
1) óz quzyreti sheginde buıryqtardy ázirleıdi jáne qabyldaıdy;
2) respýblıkalyq jáne jergilikti bıýdjetterdi oryndaý, esepti jáne eseptilikti júrgizý, granttardy, memleket kepildik bergen zaımdardy, memleket aktıvterin, memlekettik mekemelerdiń olardyń ıeliginde qalǵan taýarlardy (jumystardy, qyzmetterdi) satýdan túsken aqshany paıdalaný bóligindegi Qazaqstan Respýblıkasynyń zańnamasy, sondaı-aq Qazaqstan Respýblıkasynyń memlekettik satyp alý týraly zańnamasynyń talaptaryn buzýshylyqtary sebepterine baǵa berý;
3) ishki baqylaý qyzmetteri bar memlekettik organdardan qajetti aqparatty alý, olardyń josparlardy oryndaý jáne ishki baqylaýdy júrgizý náıjeleri týraly esepterin qaraý;
4) ishki baqylaý qyzmetterimen júrgizilgen baqylaý is-sharalary boıynsha jáne olar boıynsha qabyldaǵan sharalary týraly esepter jáne aqparat alýǵa;
5) ishki qarjylyq baqylaý, memlekettik satyp alý, aýdıtorlyq qyzmet, býhgalterlik esep jáne qarjylyq eseptilik máseleler jónindegi normatıvtik quqyqtyq aktiler jobalaryn qaraý;
6) ishki baqylaý qyzmetteriniń baqylaý aktilerin taldaý jáne olardyń qyzmetteriniń tıimdiligin arttyrý boıynsha usynymdar berý;
7) óz quzyreti sheginde memlekettik organdardan jáne basqa uıymdardan qajetti aqparatty suratý jáne alý;
8) zańmen qorǵalatyn kommersııalyq jáne ózge de qupııalar qupııalylyǵy rejıminiń saqtalýyn eskere otyryp, memlekettik satyp alýdy júzege asyrý, baqylaý obektileriniń aýdıtorlyq qyzmet, býhgalterlik esep jáne qarjylyq eseptilik týraly zańnamany saqtaý, respýblıkalyq jáne jergilikti bıýdjetterdi oryndaý, baılanys granttaryn, memleket aktıvterin, memleket kepildik bergen, sondaı-aq memlekettik mekemelerdiń olardyń ıeliginde qalǵan taýarlardy (jumystardy, qyzmet kórsetýlerdi) satýdan túsken aqshany paıdalaný máselelerine jatatyn qujattamamen kedergisiz tanysý;
9) ótkizilgen baqylaý is-sharalarynyń nátıjeleri boıynsha baqylaý aktilerin jasaý;
10) memlekettik qarjylyq baqylaý júıesin jetildirý boıynsha usynystar engizý;
11) memlekettik qarjylyq baqylaý organdarymen jáne quqyq qorǵaý organdarymen Qazaqstan Respýblıkasynyń memlekettik satyp alý týraly jáne bıýdjettik zańnamasynyń saqtalýyn baqylaý máseleleri boıynsha ózara is-qımyl jasaý;
12) Qazaqstan Respýblıkasynyń zańnamasynda kózdelgen ózge de quqyqtaryn júzege asyrý.
18. Mindetter:
1) baqylaý obektileriniń zańdy quqyqtaryn saqtaý;
2) Qazaqstan Respýblıkasynyń zańnamasynda belgilengen tártipte jáne merzimderde qarjylyq baqylaý organdarynyń jáne olardyń laýazymdyq tulǵalarynyń sheshimderine, is-áreketterine (áreketsizdikterine) shaǵymdardy qaraý;
3) qyzmettik qupııany jáne Qazaqstan Respýblıkasynyń zańnamasymen qorǵalatyn ózge de qupııany saqtaý;
4) Qazaqstan Respýblıkasynyń zańnamasynda belgilengen tártipte bekitilgen memlekettik qyzmet kórsetý standarttary men reglamentterine sáıkes memlekettik qyzmetter kórsetý;
5) Qazaqstan Respýblıkasynyń ákimshilik quqyq buzýshylyqtar týraly kodeksinde belgilengen tártipte ákimshilik jaýapkershilikke tartý;
6) Qazaqstan Respýblıkasynyń zańnamasynda kózdelgen ózge de mindetterdi júzege asyrý.
3. Komıtettiń qyzmetin uıymdastyrý
19. Komıtetke júktelgen mindetterdi oryndaý jáne óz fýnksııalaryn júzege asyraǵany úshin jeke jaýapkershilikte bolatyn Tóraǵa Komıtetke basshylyqty júzege asyrady.
20. Komıtettiń tóraǵasyn Qazaqstan Respýblıkasynyń Qarjy mınıstrmen laýazymǵa taǵaıyndaıdy jáne laýazymnan bosatady.
21. Tóraǵanyń Qazaqstan Respýblıkasynyń zańnamasyna sáıkes laýazymǵa taǵaıyndalatyn jáne laýazymnan bosatylatyn orynbasarlary bolady.
22. Tóraǵanyń ókilettikteri:
1) óziniń orynbasarlarynyń, Komıtettiń aýmaqtyq bólimsheleri jáne qurylymdyq bólimsheleri basshylarynyń mindetteri men ókilettikterin belgileıdi;
2) zańnamaǵa sáıkes Komıtet qyzmetkerlerin jáne Komıtettiń aýmaqtyq bólimsheleri basshylary men orynbasarlaryn laýazymǵa taǵaıyndaıdy jáne laýazymnan bosatady;
3) zańnamada belgilengen tártipte Komıtettiń qyzmetkerlerine jáne Komıtettiń aýmaqtyq bólimsheleri basshylarynyń orynbasarlaryna qatysty tártiptik jaýapkershilik sharalaryn qabyldaıdy;
4) zańnamada belgilengen tártipte Komıtet qyzmetkerlerin, aýmaqtyq bólimesheler basshylary men olardyń orynbasarlaryn issaparǵa jiberý, demalys berý, daıarlaý (qaıta daıarlaý), biliktiligin arttyrý; kótermeleý, materıaldyq kómek kórsetý, ústemaqylar jáne syıaqylar tóleý máselelerin sheshedi;
5) Komıtettiń qurylymdyq bólimsheleri jáne onyń aýmaqtyq bólimsheleri týraly erejelerdi bekitedi;
6) Komıtettiń shtat sany lımıtiniń sheginde Komıtettiń jáne onyń aýmaqtyq bólimsheleriniń shtat sanyn bekitedi;
7) óz quzyreti sheginde Komıtettiń quqyqtyq aktilerine qol qoıady;
8) barlyq memlekettik organdarda jáne ózge de uıymdarda Komıtet atynan ókildik etedi;
9) Komıtettiń zań bólimshesine jetekshilik etedi;
10) Qazaqstan Respýblıkasynyń zańnamasyna sáıkes ózge de ókilettikterdi júzege asyrady.
23. Tóraǵa óz orynbasarlarynyń ókilettikterin zańnamaǵa sáıkes anyqtaıdy.
24. Komıtet tóraǵasynyń orynbasarlary:
1) óz ókilettikteri sheginde Komıtettiń qyzmetin úılestiredi;
2) Komıtettiń tóraǵasy bolmaǵan kezeńde Komıtetke jalpy basshylyq etedi jáne Komıtetke júktelgen mindetterdiń oryndalýy jáne óz fýnksııalaryn júzege asyrǵany úshin jeke jaýapkershilikte bolady;
3) Komıtet tóraǵasy júktegen ózge de fýnksııalardy júzege asyrady.
25. Tóraǵa bolmaǵan ýaqytta Qazaqstan Respýblıkasynyń Qarjy mınıstri belgileıtin orynbasarlarynyń biri onyń mindetterin oryndaıdy.
4. Komıtettiń múlki
26. Qazaqstan Respýblıkasynyń zańnamasynda kózdelgen jaǵdaılarda Komıtettiń jedel basqarý quqyǵynda oqshaýlanǵan múlki bolady.
Komıtettiń múlki oǵan menshik ıesi bergen, sondaı-aq óziniń qyzmeti nátıjesinde satyp alynǵan (aqsha kiristerin qosa) jáne Qazaqstan Respýblıkasynyń zańnamasymen tyıym salynbaǵan ózge de kózderden alynǵan múlki esebinen quralady.
27. Komıtetke bekitilip berilgen múlik respýblıkalyq menshikke jatady.
28. Komıtettiń ózine bekitilip berilgen múlikti jáne eger Qazaqstan Respýblıkasynyń zańnamasynda ózge beliglenbegen bolsa, oǵan qarjylandyrý jospary boıynsha berilgen qarajat esebinen satyp alynǵan múlikti ıelikten shyǵarýǵa nemese ózge tásilmen bılik etýge quqyǵy joq.
5. Komıtetti qaıta uıymdastyrý jáne taratý
29. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.
Qazaqstan Respýblıkasy Qarjy mınıstrligi Qarjylyq baqylaý komıtetiniń qaramaǵyndaǵy aýmaqtyq organdardyń tizbesi
1) Astana qalasy boıynsha Qarjylyq baqylaý ınspeksııasy;
2) Aqmola oblysy boıynsha Qarjylyq baqylaý ınspeksııasy
3) Almaty qalasy boıynsha Qarjylyq baqylaý ınspeksııasy;
4) Almaty oblysy boıynsha Qarjylyq baqylaý ınspeksııasy;
5) Aqtóbe oblysy boıynsha Qarjylyq baqylaý ınspeksııasy;
6) Atyraý boıynsha Qarjylyq baqylaý ınspeksııasy;
7) Shyǵys-Qazaqstan oblysy boıynsha Qarjylyq baqylaý ınspeksııasy;
8) Jambyl oblysy boıynsha Qarjylyq baqylaý ınspeksııasy;
9) Batys-Qazaqstan oblysy boıynsha Qarjylyq baqylaý ınspeksııasy;
10) Qaraǵandy oblysy boıynsha Qarjylyq baqylaý ınspeksııasy;
11) Qostanaı oblysy boıynsha Qarjylyq baqylaý ınspeksııasy;
12) Qyzylorda oblysy boıynsha Qarjylyq baqylaý ınspeksııasy;
13) Mańǵystaý oblysy boıynsha Qarjylyq baqylaý ınspeksııasy;
14) Pavlodar oblysy boıynsha Qarjylyq baqylaý ınspeksııasy;
15) Soltústik-Qazaqstan oblysy boıynsha Qarjylyq baqylaý ınspeksııasy;
16) Ońtústik-Qazaqstan oblysy boıynsha Qarjylyq baqylaý ınspeksııasy.
Buıryq Qazaqstan Respýblıkasynyń Ádilet mınıstrliginde 2015 jylǵy 25 qyrkúıekte Normatıvtik quqyqtyq kesimderdi memlekettik tirkeýdiń tizilimine №12110 bolyp engizildi.